ҰЙЫМДАСТЫРУШЫЛАР

«Nomad Life» ӨСК» АҚ

Қазақстан актуарийлерінің қоғамы

Қазақстан Республикасының Ұлттық Банкі

Біз үздіктерді іздейміз!

Актуарлық курстарға қатысу және біліктілік
емтиханды тапсыру грантын ұтып алыңыз!

Қазақстан актуарийлерінің қоғамы және «Nomad Life»
Өмірді сақтандыру компаниясы» АҚ, ҚР Ұлттық Банкінің қолдауымен актуарлық курстардан өту үшін білім беру грантын беру бойынша конкурс жариялайды.

Жоба туралы

Біз барлық қатысушыларға конкурсқа танытқан қызығушылықтарыңыз үшін алғысымызды білдіреміз. Бұл тізімде өзінің аты-жөнін көрмей қалғандардан күдерін үзбеуіңізді сұраймыз, мүмкін, Сіз Конкурстың талаптарына сай келмеген боларсыз. Бағыңызды келесі жолы сынап көріңіз.
Сәттілік тілейміз!

Конкурстың жеңімпаздарға арналған ақпарат:
Сіздерді жеңіспен тағы құттықтай отырып, үлкен табыс тілейміз! 
Сіз «Өмірді сақтандыруда пайыздық мөлшерлеме және кездейсоқ үрдістер теориясы» бірінші базалық актуарлық курстан тегін өту және тегін емтихан тапсыру мүмкіндігіне ие болдыңыз.

Конкурстың жеңімпаздары

Жоба туралы

Қазақстан актуарийлерінің қоғамы және «Nomad Life» Өмірді сақтандыру компаниясы» АҚ, ҚР Ұлттық Банкінің қолдауымен бірінші базалық актуарлық курсын тегін тыңдау және кейіннен емтиханды тегін тапсыру үшін грантты беру бойынша конкурс жариялайды. Емтиханды табысты тапсырған жағдайда, конкурсқа қатысушылар актуарийлерді оқытудың минималды бағдарламасының екінші базалық курсына тегін қатысу және емтихан тапсыру мүмкіндігіне ие болады.

Егер Сізге математика және физика саласы ұнаса және Сіз қаржы нарығында талап етілген маман болғыңыз келсе, онда актуарийдің мамандығын қарастырыңыз.

Біз Сіздерді күтеміз!

БІЗДІҢ БАҒДАРЛАМАМЫЗДЫҢ АРТЫҚШЫЛЫҚТАРЫ:

 
 

Оқыту тегін өткізіледі.

 
 

Барлық қажет техникалық базамен қамтамасыз етіледі:
- қаржы калькуляторлар
- үлестіру материалдары
(кітаптар, құралдар, баспа материалдары және т.б.)

 
 

1-2 курстар бойынша емтиханды табысты тапсырғаннан кейін
бағдарламаға қатысушысы «Қазақстан актуарийлерінің қоғамы» ҚБ-нің мүшесі болып, жұмысқа орналаса алады.

 
 

Актуарийлерді оқыту бағдарламасы әлемнің жетекші актуарийлерімен әзірленген:
- Майкл Зи (FSA, FCIA)
- Чарльз Маклауд (FSA, FCIA, MAAA)
- Джон Шеперд (Австралия Актуарийлері Институтының мүшесі)

 
 

Сіздерде қаржы нарығының субъектісі болуға мүмкіндігіңіз бар! 1-6 курсы бойынша емтихандардан сүрінбей өтіп және лицензиялауға емтиханды табысты тапсырғаннан кейін Қазақстан Республикасының Ұлттық Банкі актуарлық қызметті жүзеге асыруға лицензияны береді. ​

Актуарий мамандығы туралы деректер

Актуарий дегеніміз кім?

Актуарий – бұл тәуекелдер мен ықтималдықтарды бағалау үшін белглі бір дағдыларға ие болған адам. Ол өз білімдерін бизнес және қаржы мәселелеріне қатысты, әсіресе кездейсоқ оқиғалармен байланысты болатын сақтандыру және демография салаларында қолданады.

Ұлыбританияның Үкіметтік Актуарийі К. Дэйкин

Мамандық туралы толығырақ
http://www.actuary.kz сайтында.

Актуарий мамандығы әлемдегі алдыңғы қатардағы мамандықтар қатарына енді.

Актуарий мамандығы және онымен байланысты мамандықтар (андеррайтерлер, тәуекел-менеджерлер) дамыған елдерде ең талап етілген және көп ақы төленетін мамандықтар қатарына тұрақты негізде енеді. Бұл көрсеткіштер бойынша жоғарыда аталған мамандар үздік 25 маман қатарына енді.

Рейтингті https://www.glassdoor.com/blog/25-highest-paying-jobs-america-2016/ сілтеме бойынша көре аласыз.

АКТУАРИЙЛЕР ҚАЙДА ЖӘНЕ КІМ БОЛЫП ЖҰМЫС ІСТЕЙДІ?

Осы салада әлемдегі ең үздік болып саналатын, өзінің барлық дерлік түлектерінің тағдырын қадағалайтын Macquarie University университетінің мәліметтері бойынша актуарийлер төмендегідей компанияларда өз қызметін атқарады:
 

- ірі бухгалтерлік фирмаларда;
- банктерде;
- сақтандыру компанияларында;
- инвестициялық қорларда;
- Үкіметте;
- консалтингтік актуарлық қызмет көрсететін компанияларда.

Macquarie University университетінің түлектері атқаратын қызметтердің 4-Топы:

- қорлардың басқарушылары;
- сақтандыру аналитиктері;
- сақтандыру мамандары;
- тәуекелді басқару жөніндегі менеджерлер.


https://www.mq.edu.au/study/international-students/macquarie-university-international-college

Конкурс 1, 2 базалық курстарды өткізуге бағытталған:


1-курс. Өмірді сақтандырудағы пайыздық мөлшерлемесі және кездейсоқ процестерінің теориясы

2-курс. Актуарлық қағидалар және олардың қосымшалары


2017 жылғы 18 тамыздан бастап «Қазақстан актуарийлерінің қоғамы» ҚБ Халықаралық актуарийлер ассоциациясының толық мүшесі болып табылады.

«Қазақстан актуарийлерінің қоғамы» ҚБ беретін сертификаты бүкіл әлемде қолданылады!
«Шетелде актуарийлер көбінесе сақтандыру компанияларының негізгі актуарлық емес құрылымдық бөлімшелерін басқарады: андеррайтинг, тәуекелдерді басқару, ішкі аудит, салық бөлімі, сонымен қатар компаниялардың президенті және вице-президенті қызметін атқарады. Актуарийлерді инвестициялық қорлар да, өндірістік кәсіпорындар да қуана қабылдайды».

Дина Уржумова, кәсіби актуарий, CFA және тәжірибелі экономист, Қазақстан актуарийлерінің қоғамы Біліктілік комиссиясының төрайымы.
 

Майкл Зи

Қазақстан актуарийлерінің қоғамының Құрметті Төрағасы

«Актуарийлер Қазақстанда өте жоғары бағаланады және сақтандыру, зейнетақы қоры, әлеуметтік қамсыздандыру, банк ісі, инвестициялар салаларын қоса, көптеген салаларында негізгі қызметтерін атқарады. Қазақстанның актуарий мамандығының табысы көбіне Қазақстынның актуарлық кәсіпқойларының қайсарлылығына және қызу жұмысына борышты».

 
 

Конкурс қатысушыларына қойылатын талаптар:

 

Қажетті құжаттардың тізімі:

 

Маңызды!

- ЖОО түлектері (2017-2019 жж.) және жоғары курстардың студенттері.
- Магистратура, аспирантура, докторантура білім алушылары
- Математика, физика және т.б. жаратылыстану ғылымдарын оқығандар
- Қатысушылардың жасы: 19 жастан жоғары


Іріктеу барысында төмендегілер ескеріледі:
- математика, физика пәндері бойынша олимпиадалар мен жобаларда алған жүлделі орындар;
- курстың толық бағдарламасын тыңдау үшін бос уақыттың болуы.



 

- жеке куәлігі

- диплом (немесе сынақ кітапшасы)

- олимпиадалар мен жобаларда алған жүлделі орындарды растайтын сертификаттар



Өтінімдер мен құжаттар 2019 жылғы 15 маусымға дейін қабылданады

Тыңдаушылардың құрамын Қазақстан актуарийлерінің қоғамы белгілейді. Ол үміткерлерді іріктеу бойынша құпиялы шешімді қабылдау құқығын өзіне қалдырады. Үміткерлерді іріктеу бойынша шешім және курстар мен емтиханды өткізу күні бойынша ақпарат сайтта 2019 жылғы 20 маусымда жарияланады. Конкурстың ұйымдастырушылары курстар мен емтиханды өткізу күнін ауыстыру құқығын өзіне қалдырады.

2018 жылғы актуарлық курстарға қатысушылардың пікірлері

Актуарийлерді даярлаудың міндетті бағдарламасының І Бөлімін меңгеру барысында алған білім маған М.В.Ломоносов атындағы ММУ Қазақстандық филиалында «Экономика» бағытының үшінші курс студенттеріне оқытылатын «Сақтандыру талдауға кіріспе» курсын жетілдіруге және тереңдетуге мүмкіндік берді. Яғни филиалдың кемінде 30 студенті жыл сайын пайыздық мөлшерлеме теориясы бойынша білім мен өмірді сақтандыруда актуарлық есептерді жүргізу дағдыларын меңгереді. Сонымен қатар курсты меңгергеннен кейін Қазақстандық филиалдың студенттерінде актуарий мамандығы және оның Қазақстан экономикасындағы рөлі туралы түсінік қалыптасады. Бұл бітіруші мамандардың деңгейін көтеруге мүмкіндік береді.

Сондай-ақ, ІІІ Бөлімді меңгеру барысында алған білімді мен кандидаттық диссертацияны жазуда пайдаланамын, оның тақырыбы Қазақстан Республикасында аграрлық сақтандыруға қатысты. Ғылыми жұмыста мен индекстік сақтандырудың үлгісін ұсынамын. Жаңа білімдер маған статистикалық деректердің ауқымында сақтандыру сыйлықақыларының есептерін жүргізуге, ұсынылып отырған үлгінің тиімділігін бағалауға мүмкіндік береді.

Осылайша, мен актуарийлерді даярлау бойынша курстарына қатысуымды жоғары бағалаймын және ұйымдастырушыларға және демеуші компанияға осы жобаға қатысу мүмкіндігін ұсынғаны үшін алғысымды білдіремін.

М.В.Ломоносов атындағы ММУ

Қазақстандық филиалы

Экономика кафедрасының оқытушысы

Баева Юлия Владимировна


 

Алған грантым жақын арадағы болашаққа менің траекториямды, бағытымды және мақсаттарымды күрт өзгертті. Актуарлық математиканы оқуда екінші тынысым ашылды. Мен бұл мүмкіндікті барынша пайдалануға бар күшімді салдым. Әрбір емтиханнан кейін келесі курсқа өткенімді естіген сайын, мен бала ұқсап қуанып, жарқын болашағы мен алдыма қойған мақсатым жақындай түскенін түсіндім.

Оқу барысында алған білім маған диссертациялық жұмысты жазуда, сонымен қатар қаржы тұрғысынан сауатты болуға және жұмысқа орналасуға көмектесті.

Осы жобаға қатысу мүмкіндігі үшін курстардың ұйымдастырушылары Қазақстан актуарийлерінің қоғамына және «Nomad Life» ӨСК» АҚ-ға алғысымды білдіремін.

Бейбітбеков Алмас Бақытбекұлы

«Nomad Life» ӨСК» АҚ

Актуарийдің көмекшісі

Актуарий – бұл актуарлық есептер теориясын меңгерген маман. Бұл кәсіп математика мен экономиканы жақсы көретін адамдарға лайық. Бүгінгі таңда актуарлық зерттеулер ұзақ мерзімді жоспарлауда және ұзақ мерзімді қаржылық инвестицияларға қызығушылық танытқан кез келген ұйымдарда қажет. Мұндай ұйымдар практикалық мәселелерді шешу үшін барлық әртүрлі тәуекелдерді математикалық және статистикалық талдауларды қажет етеді. Актуарийлерді даярлаудың міндетті бағдарламасының І Бөлімін оқыту барысында алған білімдер арқасында мен өмірді сақтандыруда пайыздық мөлшерлеме және кездейсоқ үрдістер теориясы, жай және күрделі пайыздар негіздері, сонымен қатар аннуитетті құру қағидалары бойынша дағдыларды жетілдірдім.  Алған жаңа білімдер маған статистикалық деректер ауқымында сақтандыру сыйлықақыларының есептерін жүзеге асыруға, ұсынылып отырған үлгінің тиімділігін бағалауын жүргізу мүмкінідігін береді.

Осылайша, актуарийлерді даярлау жобасына қатысу мүмкіндігін берген үшін ұйымдастырушыларға және демеуші-компанияға алғысым шексіз.

Саятова Ажар
 

«Nomad Life» ӨСК» АҚ

Статистика бөлімінің маманы
 

«Актуарлық курстар қазіргі таңда маған диссертацияны жазуда көмектеседі. Магистратураны аяқтағаннан кейін жұмысқа тұруды жоспарлап отырмын. Курстар қаржы және сақтандыру қызметін жалпы түсіну үшін пайдалы. Ал бұл бағытта жұмыс істеуді жалғастырмақ болса, онда бұл актуарлық математикамен тығыз айналасуға керемет мүмкіндін.

Менің диссертациямның тақырыбы «Өндірісте ЖО қызметкерді сақтандыру сыныбы бойынша күтілетін шығыстарды бағалау және сақтандыру сыйлықақыларды есептеу», бұл біздің 3А курсында теориялық негіздер ретінде: шектелген флуктуациялар әдісі, Байестің, Бюльманн-Штраубтың әдісі сияқты өткен тақырыптарға жақын. Ақпаратты алатын жерді біле тұра, мен өз диссертациялық жұмысымда барлық есептеулерді жеңіл сипаттап отырамын.

Тилеуова Жаннат
 

2-курс магистранты

Әл-Фараби атындағы ҚазҰУ